PAGREKOBER SA EKONOMIYA GIHINGUSGAN NI GOV BAMBI

Posted: May 29, 2020

29052020-7

SAMTANG sagupon sa probinsya sa Misamis Oriental ang kinabuhing normal taliwala sa padayon nga hulga sa Corona Virus Disease (Covid 19).
Bout ni Governor Bambi Emano nga makarekober sa hinay hinay ang ekonomiya dinhi sa lalawigan.
Matud niini nga usa sa ilang plano sa Provincial Task Force for Covid 19 nga tabangan ang katawhan.
“Naa nata sa sunod nga lakang sa atong pagpakigbatok sa covid 19 kanang gitawag nga economic recovery and one of the best formula ni Dr. Jerie Calingasan para sa economic recovery is to pump og kwarta diha sa katilingban as much as possibnle kung naay mahatag nga kwarta ihatag sa tao,” matud ni Governor Bambi.
Butyag niini nga ang usa ka tao kung mahatagan sigurado nga moadto og merkado ug samtang moadto sa merkado, mosakay og habal-bala o ba kaha moterela nga ang pamasahe makatabang sa driver.
Samtang ang gikomprahan sa merkado matabangan usab nga mahalin ang ilang gibaligya sama sa tindero o mga lab-asera.
Simple nga paagi nga hinay hinay nga makarekober ang gamay nga mga namaligya.
“That is how you create, you pump the economy, ginagmay o dinagko basta paspas sayon nga makarekober ang ekonomiya nato sa Misamis Oriental,” matud ni Governor Bambi kinsa usa sa hinungdan nga giaprobahan ang usbaw nga suholan sa Barangay Nutrition Scholars ug Municipal Nutrition Scholar.