PAGRO, PLANO MAGPRODUCE UG ALCOHOL UG MASK GAMIT ANG ABACA

Posted: April 23, 2020

91902640_579336226010733_2666676199731757056_o

SUKAD midaghan ang kaso sa Coronavirus disease 2019 (COVID-19), mitaas usab ang demand sa alcohol ug mask nga labing gikinahanglan karon aron makalikay sa maong sakit. Tungod niini, plano karon sa Provincial Agriculture Office nga magproduce ug alcohol ug mask gamit ang abaca, nunot na usab sa hangyo ni Gobernador Bambi Emano nga mangita’g paagi aron masulbad ang kakulangon sa nasangpit nga personal protective equipment.

Uban sa research team sa University of Science and Technology of Southern Philippines ug Mindanao State University-IIT, nagsugod na og test-out ang PAGRO kung pila ang mahimong maproduce nga ethanol content sa 5 kilos nga abaca.

Sigon pa ni Provincial Agriculturist Jose Apollo Pacamalan, napili nila ang produkto nga abaca tungod kay taas kini ug ethanol content. Magamit usab ang abaca pulp aron sa paghimo ug mask. Sa pagkakaron, naghimo na ug prototype ang buhatan kauban ang USTP aron pa-aprubahan sa DOH kung qualified ba kini.

Nanghinaot si Pacamalan nga mahimong malapuson ang buhatan sa ilang mga plano aron sa dili madugay mahimo na kining magamit sa katawhan.