PAGSUOT SA FACE MASK, MANDATORY NA SA MISOR

Posted: April 23, 2020

92166583_582681852342837_1038469804513558528_o

MANDATORY na karon ang pagsuot sa face mask dinhi sa Misamis Oriental, isip hugot nga lakang aron malikayan ang pagtakboy sa coronavirus disease 2019 (COVID-19) nga gika-ingong motakod pinaagi sa “droplets.”

Sa kusog sa Executive Order GYVBE No. 2020-010, pinetsahan Abril 6, 2020, lakip gimando ni Gov. Bambi Emano nga tanang buot mogawas kay mamalit, adunay importanteng tuyo, ug uban pa, kinahanglan magsuot sa face covers homemade man, improvised o mapalit sa tindahan, aron dili matakdan sa COVID-19 o makatakod ba kaha hinuon.

Ang kamanduan ni Gov. Emano nunot na usab sa kasugoan sa Department of Interior and Local Government (DILG) nga angay ipatuman sa kalungsuran ug dakbayan, aron mapadali ang pagpaundang sa pagkatap sa maong virus, bisan pa tuod wala pay bisan isa kaso nga nagpositibo sa COVID-19 dinhi sa Misamis Oriental.