PAMALIHI TRIBAL COUNCIL, MIPAHIGAYON OG RITUAL PLANTING

Posted: June 8, 2020

862020-4

ANG Pamalihi Tribal Council sa Sitio Eva, Brgy. Samay, Balingasag, Misamis Oriental, mipahigayon og ritual planting human nga makadawat sa Pinakbet value pack seeds ug upland rice gikan sa Provincial Agriculture Office.
Gipangunahan kini sa 58th Infantry Battalion (58IB) isip tulay nga maangkon intawon sa mga lumad ug molupyo sa kabukiran ang maong ayudang liso aron sila makatanom og daghang gulay sa pagsiguro nga adunay makaon ang katawhan sa lalawigan.
Sulti pa ni Corporal Sylvester Jason Bag-ao, Civil Military Officer sa 58IB, ang nasangpit nga kalihukan pinasubay sa Plant, Plant, Plant program ni Gov. Bambi Emano aron makab-ot ang tiunay nga food-sufficiency sa Misamis Oriental.
Sa ritual planting, gipangayo sa tanan nga unta magmabungahon ang pagpananom sa pagkaon hilabina ning panahon sa krisis.