MALAMPUSONG gisugdan ang ika- 14 ka tuig sa Biennial National Convention of Church Cultural Heritage Workers niadtong Marso 2, 2026 sa Chali Resort, CDO City, Mis Or. Mihatag mensahe si Gov. Juliette T. Uy bahin sa paghatag importansya sa faith, culture, ug service. Ug sayod ang gobernadora nga dako pa og maabtang kalamposan ang hiusang mga tinguha pinaagi sa igong kolaborasyon tali sa mga ka- simbahanan, LGUs, academe ug civil society groups.
Samtang ang pagtukod og legasiya sa pagtoo, kasaysayan ug identity sa matag ginsakopan ug ngadto sa tibuok nasud sa Pilipinas maoy nagsilbing inspirasyon sa mga partisipante sulod niining upat ka adlaw nga kalihukan. Ang mga mitambong nga delagasyon gilangkoban sa mga opisyales ug myembro sa Archdiocese, Parish, Arts and Museums ug church heritage workers gikan sa tibuok nasud sa Pilipinas. Laraw niini nga mapahugtan ang tanang plano ug ang pagpaambit sa sig iyang best practices kon pagpalawig sa restoration projects.
Kahinumdomang usa ka nakapadasig sa tibuok participating delegations mao ang pagbangon gikan sa nasinating pagsulay ug mga katalagman sama sa linog. Lakip na usab ang hagit sa modernisasyon nga idunay mga implementasyon nga gikinahanglang mahiuyon sa digital advancement. Mikabat sa gatosan ang mga nahimong partisipante ning tuiga. Eksayted usab ang tanan nga maglibot-suroy subay sa ilang heritage tour itinerary o ngadto sa gipasigarbong faith tourism sites sa Misamis Oriental ug CDO City.
By: Rejiann Ammor R. Maygay/PIO
Hulagway kuha nila: Andy Pacamalan/PIO & Clifford John Gomez/PIO Intern
