BFP MisOr nakigdait sa bag-ong administrasyon. Nagpahigayon og courtesy visit ang Bureau of Fire Protection (BFP) Misamis Oriental uban ni FSupt. Roel G. Bacosnot sa opisina ni Governor Juliette Uy aron ipakita ang ilang hugot nga suporta sa atong bag-ong administrasyon. Sa ilang panag-istorya, gipunting ang mga kakulangon ug kinahanglanon sa BFP, ilabi na sa mga modernong kagamitan ug pasilidad. Kini aron mas mapaligon pa ang ilang abilidad sa pagtabang ug pagpanalipod sa katawhan sa panahon sa emerhensya.
Nagpasalig si Governor Juliette Uy nga andam ang Provincial Government nga motabang ug mosuporta sa BFP. Ang tuyo mao nga mas mapadali ang pag-upgrade sa ilang kagamitan ug mas mapaayo ang serbisyo nga ilang gihatag sa tanang Misamisnon. Kini nga panaghiusa nagpakita nga kung magkahiusa ang atong mga lider ug ahensya, mas mapaabot nato ang usa ka lig-on, andam, ug luwas nga Misamis Oriental.
By: Zyrus James Gelizon/PIO
Hulagway kuha ni: Jezreel Ecuacion/PIO
