MIKORTESIYA si Former Bukidnon Congresswoman Malou Acosta kauban ang LGU Villanueva kang Governor Juliette Uy aron mapalig-on ang panaghiusa ug koordinasyon sa mga Programa sa gobyerno. Lakip sa gihisgutan ang mga Programa ug Proyekto alang sa kalambuan sa Lungsod sa Villanueva apil na usab sa tibuok Rehiyon hilabi na sa serbisyo publiko , tourismo ug panginabuhian.

Gipasalamatan ni Acosta ang inahan sa lalawigan Governor Uy ug gipadayag ang ilang tinguha nga magpadayon ang maayong koordinasyon tali sa LGU ug Probinsya. Samtang Gipahayag usab nni Governor Uy nga andam kini motabang ug makipag-alayon sa LGU aron mas mapauswag pa ang kinabuhi sa katawhan.

Ang panagtagbo nagpakita sa lig-on nga panaghiusa sa mga lider alayon sa padayon nga kaayuhan sa katawhan.

By: Ellen Mae Lahinao/PIO

Hulagway kuha ni: Charm Andy Pacamalan/ PIO