PATAG AGRARIAN REFORM COOP, NAKADAWAT AYUDA

Posted: February 21, 2020

86826092_549573432320346_7107812094786928640_n

MIKABAT sa P150,000 nga ayudang pinansiyal ang nadawat sa Patag Agrarian Reform Cooperative (PARCO) gikan sa kapitolyo probinsiyal sa Misamis Oriental, Lunes, Pebrero 17, 2020, alang sa pagpadaku ug pagpalapad sa ilang produksiyon sa peanut butter ug banana chips sa lungsod sa Opol, Misamis Oriental.

Ang giingong kooperatiba nakabase sa Brgy. Patag, Opol, nga adunay kapin kon kulang 30 ka aktibong miyembro nga nagtinabanga sa ilang negosyo kon diin sila nagkuha sa ilang galastuhan sa ilang matag pamilya sa matag adlaw. Si Mr. Emeldio Ebiola, ang Chairman sa PARCO, nagkanayon nga dakong tabang ang nadawat nga tabang pinansyal sa giingong kooperatiba.

“Dako kaayo akong pasalamat kang governor nga among kooperatiba sa Opol, naka avail sa among assistance, among paningkamotan mapalambo namo ni nga proyekto,” sulti pa ni Mr. Ebiola.

Daghan natingala kon giunsa ni Gobernador Bambi Emano ang Misamis Oriental kon ngano padayong miubos ang ihap sa kabus.

Apan tubag sa gobernador, oportunidad sa negosyo ug trabaho ang iyang prayoridad nga gihatag aron mokita ang pobre ug dili na mag-ilaid pa sa kalisod.