PD SA BFP-MISOR MAPASALAMATON KANG GOB. BAMBI

Posted: August 6, 2018

38020938_250723092205383_4037753013291450368_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

DAKU nga pagpasalamat ang nadawat ni Gobernador Bambi Emano gikan kang Bureau of Fire Protection-Misamis Oriental Provincial Director C/Insp. Wilfredo A. David tungod kay wala kini sukad magmakuli ug suporta sa mga kalihukan sa nasangpit nga buhatan.
Kini ang unod sa pakigpulong ni C/Insp. David atol sa silibrasyon sa ika-13 nga Provincial Fire Olympics niadtong Huwebes, Hulyo 26, 2018, sa Pueblo Grounds, dakbayan sa Cagayan de Oro.
Iyang gisaysay nga sukad pagpungko ni Emano isip Gobernador sa sa lalawigan, nagpakita kini ug hugot nga suporta ngadto sa nagkadaiyang kalihukan sa nasangpit nga ahensiya.
Gani, matud ni David kung niadto aduna lamang lima ka participante ang Fire Olympics, karon halos 100 porsiyento gikan sa 23 ka lungsod ug duha ka dakbayan sa Misamis Oriental mitambong na.
Dugang niini, kaniadto pugsonon pa ang partisipante, karon sila na mismo ang nagpahayag sa ilang interest sa pagsalmot sa Fire Olympics.
Kung sa una modawat lamang sa certificate nga naka-print sa bond paper, karon, dugang ni C/Insp. David, tungod sa pagpaluyo ni Gobernador Emano, naghatag na sila sa cash ug trophy ngadto sa mga mananaug sa nasangpit nga sangka sa maayong laki sa Fire Olympics.
Ang Fire Olympics dunay tulo ka klase sa sangka–Fire Estinguishment, Bucket Relay ug Fire Hose Connection contests. Ang 1st placer makadawat sa P5,000 ug trophy; 2nd Placer, P3,000; ug ang 3rd Placer, P2,000 ug trophy.
Dugang ni C/Insp. David daku na gyud kono ug kalainan sa paglingkud ni Gob. Emano kompara sa milabay nga administrasyon.

[/et_pb_text][/et_pb_column][/et_pb_row][/et_pb_section]