PDRRMO UBAYUBAY NA UG MGA EKIPO ALANG SA SAR OPERATIONS SA LALAWIGAN

Posted: March 16, 2020

89435443_563258714285151_6352167583227052032_o

UBAY-UBAY na ang mga kagamitan nga naangkon karon sa buhatan sa Provincial Disaster Risk Reduction and Management Office kun PDRRMO sa Misamis Oriental. Sukad milingkod si Gobernador Bambi Emano niadtong tuig 2013 nahimo na niyang prayoridad ang mga ekipo nga maoy gamiton sa Search and Rescue Operations sa maong opisina aron masiguro ang kaluwasan sa mga Misamisnon.

Gipahibawo ni PDRRMO head Fernando Dy Jr., mas paspas ug epektibo na karon ang ilang pagresponde tungod sa bagong mga kahimanan nga gitunol sa ilang buhatan sama sa bag-o nila nga weather monitoring nga nakalink sa buhatan sa pag-asa alang sa posibleng bagyo ug sa philvocs alang sa gikabalak-ang linog. Ang maong monitoring system magsilbing giya alang sa pre-emptive evacuation kung gikinahanglan.

Gawas sa dugang desktop computers ug laptops nga gitagana sa gobernador sa PDDRMO, dugang 4×4 emergency response vehicles ang mahimong magamit sa mga responders ngadto sa mga bukirang barangay sa kalungsuran gawas sa ubang heavy equipments ug dumptrucks nga mahimong gamiton pagkarga sa mga biktima sa baha.
Andam usab nga muabag sa mga posibleng trahedya ang mga Bambikabs sa Gobernador.

Ning bag-o lang miabot na ang minilyon nga kantidad sa Hydraulics nga usa ka inflatable equipment nga mahimong gamiton sa mga vehicular accidents gawas sa mga high-end nga mga pisi nga magamit sa mga rescue operations.
Mitagana sab ug pondo ang gobernador alang sa mas epektibo nga radio communication systems sa kalungsuran. Mihatag si Emano ug handheld radios sa mga municipal police stations aron dunay magamit sa ilang pagpatrolya ug alang sa paspas nga pagpahibawo sa mga hitabo ngadto sa ilang local disaster unit.

Ning kasamtangan way hunong ang pagpahigayon sa maong buhatan ug training ngadto sa mga responders. sa labing uwahing ihap, dunay dose ka mga responders ang pdrrmo samtang siyam ang gipaubos sa subsob nga pagbansay-bansay.