Gipahigayon sa Kapitolyo Probinsyal ang Peace, Development and Governance Conversation sa Barangay Limonda, Opol ning lalawigan. Tumong sa kalihokan nga madungog ang mga nagkadaiyang problema sa maong barangay. Gibutyag ni Brgy. Limonda Kapitan Michael Sambulay lakip sa nag-una nga problema sa ilang Brgy. ang Panubig , Dalan ug Livelihood. Dako ang pasalamat ni Kapitan Sambulay kang Governor Juliette Uy tungod kay sa unang higayon nahatagan og pagtagad ang mga problema alang sa ilang brgy. Sa Mensahe ni Governor Juliette Uy pinaagi kang 2nd District Board Member Princess Emano, gibutyag niya niini nga iyang ipa-abot sa gobernador ang mga yangongo sa maong brgy.
Dugang pa ni BM Princess Emano nga adunay pagahimuon nga Medical Mission ang gobernadora alang sa lumolopyo sa brgy. Limonda sa dili madugay. Usa sa gihatagan og dakong pagtagad niini ang letrang B sa B.A.N.G.O.N – Barangay Empowernment and Strengthening kun diin plano sa inahan sa lalawigan nga bisitahon ang matag kabaranggayan sa probinsya aron masuta ang mga problema ug panginahanglanon. Lakip sa mitambong sa Kalihokan si BM Princess Emano, Opol Mayor Jayfrancis Bago, Manticao Mayor Stephen Tan, DILG 10 Regional Director Bruce A. Colao, DILG Misor Provincial Director Engr. Marisia Naybe , PGO Chief of Staff Eljure Niño Quilang, Men in Uniform, Stakeholders ug uban pa.
Kahinumduman nga hugot ang pagtuo ni Gov. Juliette Uy nga pinaagi sa panaghiusa maangkon ang gitinguhang kabag-ohan sa probinsya.
By: Ellen Mae Lahinao/PIO
Hulagway kuha ni: Charm Andy Pacamalan/PIO
