MIBISITA ang Philippine Association of Medtech ngadto sa opisina ni Governor Juliette Uy. Tumong pagbisita nga mapahibalo sa inahan sa lalawigan ang mga programa ug proyekto sa ilang asosasyon. Sa maong pagbisita ,gipadayag sa PAMET ang ilang padayong paningkamot sa pagpalambo sa kalidad sa serbisyong laboratory ug panglawas sa komunidad.

Lakip sa gihisgutan niini ang umalabot nga 30th PAMET NATIONAL MIDYEAR CONVENTION nga adunay temang” Maximizing Innovation and Standards in Operation and Resources Championing Diagnostics Opportunies nga ipahigayon sa bulan Mayo 13, 2026 sa Limketkai Lux Hotel, Cagayan de Oro City kung asa mahimong Guest Speaker si Governor Juliette Uy. Gi hatagan og importansya ni Governor Uy ang lig-on nga panag-uban tali sa lokal nga kagamhanan ug mga propesyonal nga organisasyon aron mas mapalapad ang serbisyo sa katawhan hilabi na sa mga komunidad nga nanginahanglan og dugang nga atensyon sa panglawas.

Gilauman nga pinaagi sa maong kolaborasyon mas mapalig-on pa ang mga programa sa panglawas sa lalawigan nga masiguro maayongf serbisyob alang sa tanan Misamisnon.

By: Ellen Mae Lahinao/PIO

Hulagway kuha ni: Marvin Gilig/PIO