PHILIPPINE COAST GUARD K9 FORCE, NANGITA’G APLIKANTE

Posted: March 16, 2020

89036549_563255167618839_7447228611272114176_n

ANG Philippine Coast Guard K9 Force dinhi sa amihanang Mindanao magpahigayon og recruitment activity para sa mga bag-ong PCGK9 force personnel nga i-assign sa seaports, airports, bus terminal ug uban pang vital installations sa tibuok pilipinas.

Ang Philippine Coast Guard K9, ang nag-unang ahensya nga nagatunol sa quality K9 units nga responsable sa pag-inspeksyon sa explosive, narcotic detection ug search and rescue services sa mga vital installations, magsugod ang recruitment activity sugod Marso 9 paingon Marso 13, 2020, alang niadtong interesado motampo sa Philippine Coast Guard K9 force. Mahimong mobisita sa Coast Guard K9 Field Operating Unit Northern Mindanao nga nahimutang Accretion Area, Puntod, Cagayan de Oro.

Nanawagan si Gobernador Bambi Emano sa tanang molupyo sa Misamis Oriental ug Cagayan de Oro nga mosalmot niining recruitment sa Philippine Coast Guard, aron mahimong kaabag sa pagpatunhay sa kahusay ug kalinaw dili lamang lokal apan sa tibuok Mindanao.