ARON kahingusgan ang sektor sa isports sa lalawigan, ang Panggamhanang Lokal sa Misamis Oriental nagpahigayon sa pinakaunang Sports Development Council Meeting niadtong adlaw’ng Biyernes, Agosto 19, 2022.

Gibutyag ni Board Member Gerardo “Boboy” Sabal III nga adunay pagatukoron nga Misor Sports Office sa Kapitolyo Probinsyal aron mahimong luna alang sa mga Sports Coordinators sa probinsya.

Pag-awhag karon sa konseho ngadto sa mga partisipante nga magtutok sa prayoridad niini nga isports sa ilang lokalidad aron mas dali ang pagtunol sa panggamhanang probinsya sa gikinahanglan nga suporta niini. Kini subay sa tumong ni Gobernador Peter Unabia nga mapatuman ang mga programa alang sa kaayohan ug kalamboan sa mga kabatan-onan pinaagi sa pagpalig-on sa natad sa isports.

By: JANE SALIMBAO/PIO

HULAGWAY KUHA NI CHARM ANDY PACAMALAN/PIO