PMIS SA PGSO GIILA NI GOV. BAMBI NGA ‘GOOD PRACTICE’ UG TRANSPARENCY SA PROBINSYA

Posted: August 13, 2020

13082020-4

GIILA ni Governor Bambi Emano isip ‘good practice ang namugna nga Property Management Information System sa Provincial General Services Office (PGSO)

Kini nga system naglayon sa pagpadali sa pag-access sa mga empleyado sa properties sama sa laptop, computer, sakyanan ug uban pa nga iya sa gobyerno ubos sa pangalan niini.

Kini sab gidisenyo alang sa disclosure ug transparency sa mga kagamitan nga iya sa gobyerno.

Matud ni Mr. Matthew M. Valleser, ang head sa buhatan sa PGSO nga dako ang benipisyo nga mahatag niining sistema sa mga empleyado nga anaa sa field lakip ang walo ka Misamis Oriental Provincial Hospitals (MOPH) ug extension Offices gumikan kay kini digitized man ug dali lang ang pag- access pinaagi sa pag gamit sa internet diha mismo kung asa sila nahimutang.

Gawas sa government property, mamahimo sab nga ma-access ang status sa mga dokumento, mga downloadable government forms, light vehicles ug heavy equipment.

Ning padayon ang pagpakigbatok sa Corona Virus Disease (Covid-19)
hilabihan ka importante ang seguridad sa matag-usa ug kabahin sa pagprotektar sa mga empleyado sa Misamis Oriental ang maong sistema naghatag og dakong tabang sa mga empleyado nga mapasayon ang adlaw-adlaw nga gimbuhaton.