Sa tinguha nga mapatunhay ang kahusay ug kalinaw sa lalawigan, hugot nga gisuportahan sa Philippine National Police-Misamis Oriental (PNP-MISOR) ang programang PAGLAUM 24/7 Hotline sa Kapitolyo Probinsyal.
Matud ni PNP-MISOR OIC P/COL Gonzalo C. Villamor Jr., nga ang maong proyekto tukma usab sa ilang programa diha sa pagpanalipod sa katawhan.
Dako ang pagtuo ni P/COL Villamor ug Gobernador Peter Unabia nga pinaagi sa hugot nga pagtinabangay makasiguro ang mga katawhan sa lalawigan sa maayong serbisyo ilabi na sa natad sa kahusay ug kalinaw ug panahon sa emerhensiya.
Ang PAGLAUM hotline, 09177245286 modawat sa mga tawag gikan sa mga katawhan nga dunay gustong pa-aksiyonan sa kagamhanang lokal sa lalawigan.

By: Jane Salimbao/PIO

Hulagway kuha ni: Marvin Gilig/PIO