GILANTAWNG dako ang potensyal sa lalawigan sa Misamis Oriental kung asa nahisgutan lakip atol sa Provincial Land Use Committee Meeting sa Limketkai Luxe Hotel, CDO City – adlawng Lunes sa Mayo 11, 2026. Usa na niini ang pagtumbok nga nagsilbing economic capital ang El Salvador City sa westeng bahin ning lalawigan. Si City Planning & Development Coordinator Maria Rejie Lucero maoy nag-presenta sa kinatibuk-ang status, sitwasyon ug ang panlantaw nga buot maabtan bahin sa Comprehensive Land Use Plan (CLUP) sa El Salvador City. Kahinumdomang una nang gipahigayon ang Preliminary Conference sa miaging bulan bahin sa nasangpit nga katuyoan. Human nasuta ang mga gikinahanglan pang ilakip sa kinatibuk-ang plano, anaa usab ang mga gikonsidera sama sa regional connectivity, provincial & regional alignment alayon sa Provincial Development and Physical Framework Plan, ug uban pa.
Ning higayona, malampuson na usab nga natigayon ang deliberation sa El Salvador City CLUP. Gihatagan hibug-aton ang susama sa sectoral analysis, patas nga pagtagad sa tanang area of development, industrialization, ecological sustainability, ug economic growth pinaagi sa epektibo ug maayong pang-gobyerno. Sa laing bahin mabulukong gipadayag ang plano kalabot sa Tagnipa Central District kung asa miuyon ang tanan nga pagpakita kini sa importansya sa timailhan sa lugar ug ang cultural preservation nga molungtad bisan sa katuigan. Samtang gipadayag sa nagkadaiyang agency ug office representatives ang ilang mga komento ug suhestiyon ngadto sa El Sal City CLUP. Pipila niini mao ang sa DILG mao ang pagsiguro nga mauyon sa standard implementing strategies sa good governance; sa DTI kay mao ang pag-review sa industrial zone areas ug strengthening of investment mapping; sa DPWH nga angayng mag-coordinate alang sa road integrations; ug, sa NCIP nga sutaon ang mga ancestral domains.
Sa kinatibuk-an dako usab ang pasalamat sa LGU- El Salvador City tungod positibo ang feedback sa matag myembro sa komitiba ug halos tanan misugyot nga “recommended for approval” ang plano. Anaa ang presensya nila ni PPDO Head Archimedes C. Lazaro, DILG Mis Or El Salvador City Mayor Edgar S. Lignes, mga kadagkoan sa nagkadaiyang sectoral agencies, opisyales, MODHA ug mga dinapit nga bisita.
Subay usab sa BANGON development agenda ni Gov. Juliette T. Uy nga pinaagi sa igong kolaborasyon tali partner agencies ug LGUs, masiguro gayod ang kalamboan ug tiunay nga pag-uswag sa Misamis Oriental.
By: Rejiann Ammor R. Maygay/PIO
Hulagway kuha nila: Marvin Gilig/PIO & PIO Intern Clifford John Gomez
