PRECAUTIONARY MEASURES SA KAPITOLYO BATOK COVID-19, GIPATUMAN

Posted: March 16, 2020

89441174_563265267617829_3013316554856071168_o

WALAY exempted, lakip si Gobernador Bambi Emano gipaubos sa thermal scanning ayha pa kini makasulod sa kapitolyo, niadtong Lunes, Marso 9, 2020. Kini, isip lakang sa iyang pamunuan nga malikay intawon sa sakit nag katawhan sa Misamis Oriental nga dala sa Coronavirus disease (COVID-19).

Kini, isip precautionary measure sa pamunuan ni Gobernador Emano nga dili gayud mokuyanap ang nasangpit nga virus dinhi sa Misamis Oriental, human sa local transmission didto sa kaulohan kung diin adunay 57-anyos nga lalake ang nataptan sa makamatay nga virus bisan tuod wala kini travel history gawas sa nasud.

Ang precautionary measure maoy mando sa gobernador ngadto sa Provincial Health Office, pinaagi ni Dr. Jerie Calingasan. Kinsa man ang masuta nga adunay 38 degree Celsius pataas nga kainit sa lawas, gilayon ipapauli ug gi-rekomendar nga ipakonsulta sa doktor sa mas dali nga panahon.