PRIBADONG SEKTOR, MITABANG SA MISOR

Posted: April 23, 2020

Img-5

DAKUNG kalisang intawon sa gobyerno ang padayon nga pagtaas sa ihap sa kaso sa nataptan sa coronavirus disease 2019 (COVID-19) dinhi sa Pilipinas.

Mao na lamang ang pasalamat ni Gov. Bambi Emano ngadto sa mga institusyon gikan sa pribadong sektor sa ilang hinabang nga hinay-hinay nang nangabot dinhi sa lalawigan sa Misamis Oriental.

Ning semanaha lang, adunay 4,000 pieces ka disposal ear loop isa ka klase sa face masks gikan sa Pilmico Foods Corporation, Aboitiz Equity Ventures ug Aboitiz Foundation.

Samtang, ang mga opisyales sa Filipino-Chinese Chamber of Commerce and industry Incorporated.-Misamis Oriental chapter personal nagtunol kang Gov. Emano og 20,000 pieces ka face masks ug 50 ka sakong bugas hain ang 8000 ka face masks gitunol na ngadto sa walo ka Provincial Hospitals sa lalawigan.

Sulti ni Gov. Emano, iyang apod-apod ang maong mga hinabang ngadto sa walo ka Misamis Oriental Provincial Hospital sa Magsaysay, Gingoog, Talisayan, Claveria, Alubijid, Manticao, Initao ug Balingasag; ug mga checkpoints sa nagkadaiyang lugar sa lalawigan, hilabina bugas aron maggamit sa atong frontliners.

Sa milabay nga semana, mitunol usab sa ilang kaugalingong ayuda ang Filinvest Development Corporation (FDC) sa lungsod sa Villanueva nga naggamit na usab sa mga frontliners sa matag adlaw sa ilang pagpahigayon og checkpoints.