SUNOD-SUNOD ang pagmugna og road rehabilitation & road opening ning lalawigan sa Misamis Oriental. Alayon kini sa paglimbasog sa kagamhanang probinsyal ubos sa liderato ni Gov. Juliette T. Uy. Nunot usab sa maong inisyatiba gumikan sa nakitang kakulangon sa tarong nga mga dalan ang pipila ka mga lugar labina kung dunay gisinating hagit sa panahon. Samtang lakip giayo ang kasamtangang dunay mga guba nga dalan ug nasutang magdala sa dugang kadaot kung dili daling masolusyonan. Dugang pa nga mahatagan og igong kasayon ang mga mag-uuma nga ang ilang mga produkto daling mapalit ug masigurong kalidad ug presko kining muabot sa kamerkaduhan pinaagi sa farm-to-market road project.

Ang mga lakang nga gihimo mao ang musunod:

• Pag-deploy sa mga ekipo alang sa igong seguridad ug batok na sa landslide sa mismong tulunghaan = Kibungsod National Highschool @ Brgy. Kibunsud, Magsaysay, Misamis Oriental

• Pag-aksyon sa problema bahin sa dalan nga posibleng rason sa pagdahili sa yuta nga delikado sa mga gatungha = KNHS @ Brgy. Kibungsod, Magsaysay, Misamis Oriental

• Pag- abli ug pag- ayo sa dalan @ Barangay Mabini, Binuangan, Misamis Oriental

• 2 km Road Rehabilitation @ Purok 2, Brgy. San Juan, Gingoog City, Misamis Oriental

• 1.5 km Road opening Farm to market @ Purok 2, Brgy. Lunao, Gingoog City, Misamis Oriental

Dako ang pasalamat sa inahan sa lalawigan sa tanang nanguna sa nasangpit nga road project.

Gikan pa lang sa pagpadala og sulat usab sa mga nagkadaiyang councils ug school departments ngadto kay Gov. Uy pagtanyag sa mga problema nga daling gimandoan gilayon niini ang mga opisyales sa pagpadala og manpower, hangtud na sa paglantaw mismo sa lugar, ug ang pagsiguro nga mahatdan sa igong aksyon pinaagi sa Task Force BANGON Mis Or uban ang Provincial Engineering Office. Suportado usab kini sa congressional offices.

Atangan ang dugang mga katumanan sa tanang plano nga naglambigit niini labina pokus sa kasamtangang administrasyon ang seguridad sa katawhan. Alang niini, usa ang road rehabilitation ug pag-abli og mga kadalanan nga mahimong taytayan alang sa kinatibuk-ang paglambo ug ang gimithing positibong kabag-ohan sa tanang katawhan.

By: Rejiann Ammor R. Maygay/PIO