PROMOTION NI GOV. BAMBI KANG ENGR. VALMORIA, DAGHANG NA-SORPRESA

Posted: February 21, 2020

84661098_549567762320913_3801499283383910400_n

SA wala damha sa tanan, adunay surprise announcement si Gobernador Bambi Emano sa mga kawani sa kapitolyo atol sa sinemanang pagpakayab sa nasudnong bandila, Pebrero 17, 2020: ang promotion ni Engr. Prisco Valmoria isip full-pledged department head sa Environment and Natural Resources Office (ENRO).

Matud ni Gobernador Emano, nakita niini ang kahago ug dedikasyon ni Engr. Valmoria sa iyang trabaho sukad pa sa tuig 1992 nga angayan lamang hatagan sa tukmang premyo. Bisan si Engr. Valmoria nakurat sa nadawat nga promotion, tungod kay wala gayud kini magdahum nga hataga’g hibug-aton sa gobernador ang iyang katarong ug kaligdong sa pagpangalagad sa katawhan sa Misamis Oriental.

Niya pa, nagtrabaho lamang kini sa gisangon kaniya ug wala maghulat sa bisan unsa, bugti sa iyang gipakita nga dedikasyon sa gitunol kaniya nga responsibilidad ubos sa pamunuan ni Gobernador Emano.

Sukad mipungko si Gobernador Bambi Emano sa kapitolyo, tanang angay pasidunggan, gipasidunggan; tanang angay pasalamatan, gipasalamatan; tanang angay i-promote, ma-promote.

Apan, tanang angay silotan tungod kay nagpakabuta’g bungol sa pagpanerbisyo, nahiagum sa tukmang silot.