NAGPAHIGAYON ang Provincial Assessor’s Office og public forum sa mga taxpayer sa westeng bahin sa Misamis Oriental mahitungod sa ilang proposal sa shared market values (SMV) sa lalawigan niadtong Mayo 7, 2026 sa lungsod sa Laguindingan. Laraw sa Assessor’s Office nga mahibalo ang katawhan sa ilang proposal nga adunay bag-ong standardized value sa mga produkto’g kayutaan, mga polisiya, ug clustering sa mga lungsod ug syudad sa lalawigan.

Matod ni Mox Esperat, External Affairs Manager sa Aboitiz InfraCapital, importante kanila ang maong forum tungod kay dako kinig epekto sa katawhan, labina karong panahona nga adunay pagtaas sa mga presyo sa palitunon. Gikalipay niya nga gipaningkamutan sa Assessor’s Office nga mapahibalo ang katawhan bahin sa ilang mga plano. Nagpadayag sa ilang pasalamat ang Assessor’s Office sa mga suhestyon sa mga mitambong sa forum. Matod ni Provincial Assessor Engr. Juliette Aton, tun-an pa nila ang ilang proposal aron maplastar kini og makahatag kaayohan sa katawhan, labina sa ekonomikanhong kalihokan sa Misamis Oriental.

Una nang nagpahigayon og public forum ang Assessor’s Offce sa esteng bahin sa Misamis Oriental niadtong Mayo 6, 2026 sa lungsod sa Balingasag. Kahinumdomang usa sa mga tinguha ni Governor Juliette Uy nga mapalambo pa ang ekonomiya sa lalawigan aron mapaharuhay ang kinabuhi sa katawhan.

By: Nefilim Diaz/PIO

Hulagway kuha ni: Charm Andy Pacamalan/PIO