PSWD USA SA PRAYORIDAD ANG SENIOR CITIZEN OG PERSONS WITH DISABILITY

Posted: April 23, 2020

Img-2

Ang pangagamhanang lokal sa misamis oriental ubos sa provincial social welfare and development office (PSWD) nangandam na alang sa ilang ihatag nga assistance sa lalawigan sa misamis oriental tungod niining nagpadayon nga hulga batok corona virus.

Matud ni jhunleymar Abella ang pswd officer nangandam na ang buhatan sa pagpanghatag og hinabang apan prayoridad niini ang mga kabus nga mas nanginahanglan hilabina ang mga senior citizens nga maoy vulnerable kon daling mataptan sa nasampit nga virus.

“so ang atong hatagan katong pinaka naapektuhan karon ang atong mga informal settlers, labandera, nagtrabaho sa small eatery, laborers, cargo, carpenters, fisher folks, farmers, so dadto ta naka direkta og ato pud tagaan prayoridad ofcourse atong mga senior citizens and persons with disability Kay mao man jud ni ang sector nga naka focus sa atoang opisina”

Dugang pa ni Abella nga nakig koordinar na kini sa mga municipal social welfare and development (MSWD) arun maila ang mga pamilya nga pinaka naapektuhan karon sa sakit nga covid-19.

Ang buhatan sa PSWD aduna nay gimugna nga sumbanan base sa gipagawas nga executive order ni gobernador bambi Emano kabahin sa general community quarantine sa lalawigan kong kinsa man ugaling ang benepisyaryo.

Gipaabot pa ni pswd officer Abella ang kamanduan ni gobernador Bambi Emano may kalabotan sa pagpa gawas og hinabang alang sa mga kabus nga misamisnon kinsa maoy labing naapektuhan niining krisis nga giatubang sa nasud.