PSWDO MAPASIGARBUHON SA ILANG KALAMPUSAN

Posted: March 16, 2020

88144281_558677791409910_3183658071666720768_o (1)

Wala magpaulahi ang buhatan sa Provincial Social Welfare and Development Office sa ilang mga naangkong kalampusan sulod lamang sa lima ka bulan.

Ang nagdumala sa maong buhatan nga si Mr. Jhunley Mar Abella mipahibalo nga ubos sa Family Welfare Project mitagan sila ug hinabang pinansyal sama sa bugas ug housing materials alang sa mga pamilya nga naapektuhan sa krises karon.

Nasuta nga gikan sa bulan sa Oktubre 2019 ngadto na sa Pebrero ning tuig kasamtangan muabot na sa 241 ka mga sakong bugas ang ilang na apod apod ngadto sa 241 ka mga indibidwal.

Upat usab ka mga pamilya ang nahatagan ug resettlement gikan sa P12,000 pesos nga pondo sa maong buhatan. Naghatag usab ang PSWDO ug 12 ka nga wheelchairs, 4 ka mga sungkod, ug usa ka walker diin mukabat sa 17 ka mga kliyente ang nahatagan niini.

Bisan ang mga rebelde nga nakahukom sa pagbalik sa sabakan sa gobyerno, nakadawat usab ug hinabang gikan sa maong ahensya. Nakadawat ug tag P5,000 ang matag rebelde, laing P50,000 isip livelihood assistancem P21,000 isip reintegration assistance, ug P15,000 isip hinanali nga tabang kanila.

Kining tanan tungod sa programang Enhanced Comprehensive Local Integration Program kon E-CLIP diin P4,256,000.00 ang ilang pondo.