PSWDO PADAYON SA PAGPANGALAGAD

Posted: July 20, 2020

2072020-3

PADAYON na sa pagpanghatag serbisyo ang buhatan sa Provincial Social Welfare and Development Office (PSWDO) alang sa mga katawhan nga nanginahanglan ug tabang sa Misamis Oriental.
Tuloy-tuloy na ang mga nag-unang mga serbisyo sama sa pagtunol og financial assistance sa mga Locally Stranded Individual (LSIs), pagpabalsamar, hinabang alang sa mga Senior Citizen ug Person With Disabilities (pwd), pagsustiner sa panginahanglanon sa bahay pag-asa o bahay kaugmaon, hinabang nga itunol sa mga former rebels ug uban pa nga mga serbisyo.
Gikalipay ug maayo ni PSWDO Head Mr. Jhunleymar Abella nga napadayon ang mga serbisyo nga kayang mahatag sa buhatan alang sa katawhan human halos napulo ka adlaw nga napugngan ang pagpangalagad.
Ang pamunoan ni Gobernador Bambi Emano dinhi sa probinsya sa Misamis Oriental walay lain tumong ug tinguha kundili ang paghatag serbisyo sa katawhan nga nagkinahanglan.