PUBLIKO, SUBLING GIPADUMDOM KARON NGA MGCQ NA ANG MISOR

Posted: June 8, 2020

862020-3

SUBLING gipahimangnoan sa Provincial Health Office, Provincial Task Force for COVID-19 ug ni Gov. Bambi Emano ang publiko ning panahon nga gipaubos na lang sa Modified General Community Quarantine ang Rehiyon 10 lakip ang Misamis Oriental ug Cagayan de Oro—sundon gihapon ang tanang health safety protocols sa Department of Health (DOH).
Luag na ang kwarentinas batok sa pagtakboy sa coronavirus disease 2019, kung diin gibalik na ang kagawasan sa tanang katawhan nga mopalit sa merkado, moadto og mall, mosakay sa pampublikong salakyan ug uban pang inadlaw-adlaw nga kalihukan. Apan dili matud pa kalimtan ang pagpanghugas sa kamot pagsuot sa face mask, physical distancing ug kung mahimo magpuyo na lang sa balay kung walay importante lakaw.
Gihimo usab ni Provincial Health Officer ug concurrent Provincial Task Force for COVID-19 chief Dr. Jerie Calingasan ug Gov. Emano ang pahinumdom sa mga empleyado sa kapitolyo atol sa gipahigayon nga virtual flag-raising ceremony niadtong Martes, Hunyo 2, 2020.
“We are putting at risk the lives of our families when we go out to the malls, to the market. If possible, stay at home,” hangyo ni Gov. Emano ug Dr. Calingasan sa ilang pakigpulong sa mga empleyado sa kapitolyo.