PUNDO GITUNOL NGADTO’S 2 BARANGAY SA GINGOOG

Posted: February 28, 2020

87536040_553584481919241_315458965569798144_o

Laing proyekto na usab ang gitagaan og pundo sa pangagamhanang lokal sa Misamis Oriental ubos sa programang barangay empowerment ni Gobernador Bambi Emano atol sa sinemanang pagpakayab sa nasudnong bandila sa kapitolyo, Pebrero 24, 2020.

Balor P887, 803.36 nga pundo ang nadawat sa Brgy. Alagatan, Gingoog City, alang sa pagtiwas sa construction sa ilang multi-purpose hall, phase 3. Samtang ang Brgy. 12 sa susamang dakbayan, laing P300,000 ang nadawat alang sa proyektong concrete canal cover.

“Gob. Daghan kaayong salamat sa proyekto nga imong gihatag hinaot unta Gob nga tagaan ka kanunay sa kapiskay sa pang lawas og padayon sa katong mga programa og mag malambuon kanunay hilabina sa mga kabaranggayan” ingon pa ni Ms. Emily T. Bucio sa Brgy. Alagatan.

“Maraming, maraming salamat to Governor Bambi Emano ng dahil sayo first time kaming nakatanggap ng P300,000 sa panunungkulan ng aming bagong kapitan nga walang iba, Kapitana Susana. Maraming, maraming salamat po,” malipayong pagpadangat ni Kagawad Ruben G. Lee Jr. sa Brgy. 12, Gingoog City.

Sa milabay nga administrasyon, pihig intawon kaayo ang 424 ka barangay sa tibuok Misamis Oriental sa mga proyekto ug programa. Dili susama karon sa pamunuan ni Gobernador Bambi Emano nga nagatunol sa kaayohan sa walay pagpili sa pulitika ug bulok niini.