PVET NAGPAHIGAYON OG MASS RABIES VACCINATION

Posted: August 11, 2020

1182020-3

LAING hugna na usab sa Mass Rabies Vaccination ang gipahigayon sa Provincial Veterinary Office (PVET) sa lungsod sa Villanueva, Misamis Oriental niadtong Agusto 5, 2020.

Adunay 399 ka mga iro samtang 45 ka mga iring nga mototal sa 444 ang nabakunahan sa maong buhatan nianang adlawa samtang 260 ang sa mga dog owners.

Tinguha niini nga programa nga dili magkadaghan ang mga rabies sa lalawigan ug dili ikamatay sa mga napaakan.

Tabang sab kini sa PVET ning panahon sa pandemya nga dili na mudugang pa sa gibug-aton sa mga doctor ug nurses ug mupokos lang usa mas nagkinahanglan sa ilang serbisyo hilabina sa mga naapektuhan o nabiktima sa Corona Virus Disease (Covid-19).

Daan na ang paningkamot sa PVET sa pagpangulo ni Dr. Benjamin Resma bisan wala pay pandemya ug mandato ni Governor Bambi Emano nga atimanon ang mga mananap sa probinsya nga luwas sa mga nagkadaiyang sakit ug ang mga iro ug iring kinahanglan kinahanglan nga nabakunahan.