SUPORTADO ni Misamis Oriental Gov. Juliette T. Uy ang tinguha sa Regional Development Council 10 alang sa kinatibuk-ang pagpalambo sa ekonomiya ug ang padayong panaghiusa sa tanang naglambigit nga mga sektor alang sa kaayohan sa kinabag-an. Kini ang pokus sa iyang pagtambong atol sa pinakaunang Consultation with RDC-X Private Sector Organizations, Civil Society Organizations, Local Government Units & other Stakeholders on the FY 2027 Budget Preparation nga nahitabo sa Pearlmont Hotel, CDO City sa adlawng Martes, Pebrero 3, 2026.

Tumong sa maong kalihukan mao ang pagpunting sa mga gikinahanglang programa ug ang pagplano sa mga aktibidades alang usab sa hiusang pag-implementa sa tanang proyekto. Nga pinaagi niini moresulta ngadto sa region-wide economic growth, poverty reduction, increased human capital, job employment opportunities ug uban pa. Sa mensahe ni Misamis Occidental Governor & Regional Development Council 10 Chairperson Henry S. Oaminal, giawhag niini ang mga kadagkoan, myembro ug tanang naglambigit nga mga ahensya nga sigurohong ang tanang mamugna nga plano kay pulos Strategic, Impactful, Legacy-building Initiatives.

Dunay breakout sessions alang sa mga sektor nga gilangkoban sa Economic, Social, Macro & Development Administration ug Infrastructure & Utilities Development Committee. Sa maong focused sectoral groupings, hugtanong gikonsidera ang tanang priority programs, activities & projects nga mahimong basehan sa paghan-ay gilayon sa budget proposal alang sa tuig 2027. Giuyonan sa tanan nga hatagan gayod og prayoridad ang mga programa nga maghatag positibong impact ug ang pagpalugway sa resilience nga klase sa pagkinabuhi alang sa tibuok Northern Mindanao.

Usa niini ang pagpokus sa developing Mindanao Railway Project plan ug ang pagtutok sa mga industriya sama sa steel, halal ug semi-conductor. Samtang gipasabot ni Department of Economy, Planning, and Development 10 Regional Director & RDC 10 Vice-Chairperson Mylah Faye Aurora B. Cariño nga dunay mga ginasuon nga proseso gikan sa pag-plano hangtud na sa budget processing ug ang pagsigurong dunay implemention process lakip ang monitoring guidelines ug assessment sa tanang proyekto. Kini nga hagit usab dugang pa niini, nakaandam ang tibuok konseho nga mohimo sa ilang mga gipanumpaang serbisyo.

Kahinumdomang isip RDC-X Social Development Committee Chairperson si Gov. Juliette T. Uy, prayoridad niini ang pagduso sa tanang programa nga magdala og igong tingusbawan sa katawhan labina ngadto sa marginalized ug ang tanang angayang tabangan.

By: Rejiann Ammor R. Maygay/PIO

Hulagway kuha ni: Charm Andy Pacamalan/PIO