RETURNING OFW’s SA MISOR, ATIMADO

Posted: June 8, 2020

862020-1

GIKAN sa ilang paglanding sa Laguindingan airport sa Laguindingan, Misamis Oriental; ug Macabalan port sa Cagayan de Oro, tanang returning overseas Filipino workers (OFWs) ug locally stranded individuals (LSIs) atimado kaayo sa Provincial Task Force for COVID-19 sa pagpangulo ni Dr. Jerie Calingasan isip chairperson.
Dili matino ang kalipay sa OFWs ug LSIs sa pagpaabot og pasalamat ngadto kang Gov. Bambi Emano, kinsa hugot naghangyo nga atimanon gayud sila gikan sa ilang pagkaon, medical procedures, profiling ug paghatud ngadto sa Barangay Isolation Units (BIUs) nga gitukod sa kabaranggayan sa entero Misamis Oriental.
Isa si Mariluo Awitin nga taga Tagoloan, Misamis Oriental, ang nakasulti nga wala gayud sila pasagdi sa pamunuan ni Gov. Bambi.
“Grabe ang MisOr, because giatiman gyud nila ang mga tao…as in comfort-like here. Wala ko nasundo deretso kay delayed ang flight namo. So, gipa sleep-over me diri sa hotel all for free,” sulti ni Ms. Awitin.
Aron masiguro nga atimado ang OFWs ug LSIs sa ilang pagpauli sa Misamis Oriental, si Provincial Task Force chief Dr. Jerie Calingasan ug Task Force spokesperson Atty. Jeffrey Saclot gayud ang gipadala ni Gov. Emano ngadto sa airport aron mangunay og dawat sa atong “modern-day heroes” sa ilang pag-abot.