RETURNING OFWs UG LSIs, GI-AYUDAHAN SA PAGRO

Posted: June 26, 2020

26062020-4

LAKIP sa marching order ni Gov. Bambi Emano ngadto kang Provincial Agriculture Officer Mr. Jose Apollo Pacamalan nga ayudahan ang overseas Filipino workers (OFWs) ug locally stranded individuals (LSIs) sa ilang pagpauli dinhi sa Misamis Oriental human ma-stranded sa kaulohan tungod sa hulga sa coronavirus disease 2019. Tuod man, nakaangkon silag panginabuhian.
Gani, nagapahigayon na og contact tracing ang PAGRO sa tanang returning OFWs ug LSIs pinaagi ni Mr. Benjamin Boston, dili tungod kay adunay nagpositibo kanila, apan aron maila sila ug kon unsay nindot nga ilang mahimong kapangitaan sa ilang pagpauli dinhi sa lalawigan.
Si “Dodo” tinuod nga pangalan gitago, taga Talisay, Gingoog City, lakip naka-benepisyo sa sweeper flights nga gipaningkamotan sa Provincial Task Force for COVID-19. Sa iyang pagpauli, wala kini kahibalo kon unsay buhaton ug hain mangita’g trabaho. Apan tungod sa gihatag nga upland rice ug vegetable seeds sa PAGRO, medyo hayag nang mabuhi siya ug iyang pamilya.
“Duga siya sa Manila, tulo ka bulan. Nalipay pud ta sa iyang trabaho, grasya sa Ginoo. Dili pud lalim layo kaayo. Salamat ko og daku kang Gobernador, Sir Apollo Pacamalan, ug sa tanang nagpaluyo ning hinabang,” ingon pa sa nanay ni Gail sa dihang ilang nadawat ang ayudang panginabuhian.
Sa pagpauli sa OFWs ug LSIs, dili buot ni Gov. Bambi Emano nga makadugang sila sa ihap sa poverty rate dinhi sa Misamis Oriental, inay mahimong solusyon sa nasangpit nga problema, maong nahimugso ang programang panginabuhian alang kanila.