MOKABAT disi sais mil syete syentos (16,700) ka Misamisnon sa dece otso (18) ka lungsod ang natabangan ubos Risk Resiliency Program Through Cash For Work (RRP-CFW).
Tres mil sais sientos singkwenta pesos (P3,650) ang nadawat sa matag benepisyaryo sulod sa napulo (10) ka adlaw nga pagtrabaho ubos sa maong programa.
Samtang gisugdan usab pagtunol sa PSWD ug ENRO- MisOr ang kinyentos kwarenta (540) ka seedlings ug mil otsienta (1,080) ka mangrove propagules para sa lungsod sa Alubijid, Laguindingan, Libertad, Salay ug Naawan niadtong Septembre 19, 2022.
Kini kabahin lamang sa alokasyon sa panggamhanang probinsya nga tres mil (3,000) ka seedlings ug singko mil (5,000) ka propagules sa mangrove reforestation ug tree growing. Ang assorted seedlings nga nahatag kay Narra, Molave, Antipolo ug Teakwood.
Ang pag-apod apod sa mga seedlings ug mangrove propagules kabahin kini sa programang climate change adaptation.

By: Rejiann Ammor R. Maygay/PIO


Hulagway kuha ni: Marvin Gilig/PIO