MIDANGAT na dinhi sa Misamis Oriental ang 10,000 ka simelya sa lubi nga anaa na karon sa Provincial Capitol compound, Biyernes, Marso 13, 2020. Kini nakatakdang ipang-apod apod sa mga mag-uuma alang sa 101 ektarya nga coconut expansion dinhi sa lalawigan.

Ang rehabilitasyon sa coconut plantation programa Gobernador Bambi Emano alang sa pagkab-ot sa target nga “sugar green coconut ug green oil” nga pwedeng mahimong panginabuhian sa katawhan. Kini, isip preparasyon sa umalabot nga ting-ulan sa bulan sa Mayo.

Ubos niini nga programa, matag mag-uuma hataga’g 100 ka simelya sa matag 1 ka hektarya. Kinsa man gusto mo-avail niini modangop lang sa buhatan saa Provincial Agriculture Office aron malista.

Gi-aghat ni Provincial Agriculturist Jose Apollo Pacamalan ang publiko nga mosalmot niini nga programa, hilabina niadtong mag-uuma nga molupyo sa Misamis Oriental isip dugang panginabuhian.