SENIOR CITIZEN NAKADAWAT OG WHEELCHAIR GIKAN SA PSWD

Posted: August 17, 2020

17082020-4

NIADTONG Agusto 12, 2020 adlaw nga Miyerkules, usa ka senior citizen ang nakadawat og wheelchair gikan sa buhatan sa Provincial Social Welfare and Development Office (PSWD).

Si Reonito Cagas lumulupyo sa Barangay Poblacion lungsod sa Manticao dako ang kalipay nga midawat sa wheelchair nga gitunol alang kaniya gumikan naputlan kini og tiil human naghambin og sakit nga diabetes.

Mapasalamaton kini og dako kang Governor Bambi Emano nga wala niini gipakyas iyang hangyo ug pinaagi sa PSWD ubos ni Mr. Jhunleymar Abella nahatag ang iyang gipangandoy.

“Ako nagpasalamat kang Governor Bambi Emano nga wala jud niya pakyasa ang akong gihangyo nga wheelchair kay kini akong gigamit ako raning hinulaman nalipay gyud ako,” matud niini ug lakip sa gipasalamatan iyang classmate kaniadto nga si Engr. Tessie Gales ang Head sa Brgy. Infrastructure Project Head nga dako og tabang kaniya.

“Salamat usab kang Jhunleymar Abella nga maoy daku sa PSWD nga iya kong gitagaan sa akoang gihangyo. Kanimo Governor Emano og Mr. Jhunley daghan kaayong salamat,” matud ni Cagas.

Nasuta nga ang gigamit niini nga wheel chair hinulaman ra niini aron di maglisod kon mogawas sa puloy-anan apan karon nga gihatagan sa kagamhanan sa probinsya dili na kinahanglan niini manghulam ug makagawas gawas na usab kini sa iyang tugkaran.