GIHINGUSGAN sa kagamhanang Probinsyal sa pagpangulo ni Governor Juliette Uy ang Planong Villanueva Sericulture Project nga ipahimutang sa Brgy. Imelda sa nasangpit nga lungsod. Ang Proyekto nagtutok sa pag proceso sa pag-alima sa Silkworm nga giila karon isip usa sa protensyal nga panginabuhian sa komunidad. Pinaagi niini nga Proyekto mahatagan og opurtunidad ang mga residente nga makakat-on og bag-ong kahibalo ug maka duganga og kita pinaagi sa pagtanum sa mulberry ug pag atiman sa silkworm. Ang maong Proyekto dili lamang maghatag ug dugang kita kondili makatabang usab sa pagpalambo sa lokal nga ekonomiya ug paghimo ug bag-ong opurtunidad nga trabaho hilabi na sa mga mag-uuma sa nasangpit nga brgy. Ubay-ubay ka mga ahensya ang aktibong mitimbayayong sa implementasyon nga maghatag og teknikal nga tabang, trainings ug mga panginahanglanon nga mga gamit alang sa maong proyekto.

Dako ang pasalamat ni Brgy. Imelda Kapitan Arturo Ubalde kang Governor Juliette Uy sa padayon nga nagpalig-on sa mga programang panginabuhian dili lang sa ilang brgy. kundili sa tibuok Probinsya. Gilauman nga pinaagi sa padayon nga paningkamot sa inahan sa lalawigan katimbayayong ang mga nagkadaiyang ahensya molambo ug magmalampuson ang Sericulture Project sa Brgy. Emelda ug mahimong ehemplo sa uban pang komunidad sa tibuok Misamis Oriental.

By: Ellen Mae Lahinao/PIO

Hulagway kuha ni: Marvin Gilig/PIO