SINAKO NGA BANGUS FEEDS GIKAN SA PAGRO NADAWAT SA OPOL

Posted: August 11, 2020

1182020-7+

NAKADAWAT na usab ning semanaha ang usa ka Asosasyon sa mga mananagat sa Barangay Malingin, lungsod sa Opol, Misamis Oriental og sinako nga feeds sa bangus gikan sa buhatan sa Provincial Agriculture Office.

Gidawat qng 89 ka sako sa feeds sa bangus sa kahugpungan sa gagmayng mananagat sa maong dapit.

Ang maong sinakong feeds gi dawat sa presensya ni Dionisio Yek ang Presidente sa maong assosasyon.

Kahinumduman niadto lamang Hulyo 3, 2020 naghatag og partial nga sako sa feeds ang buhatan uban ang ahensya sa Bureau of Fisheries and Aquatic Resources (BFAR).

Inisyatiba ug pagpalambo kini nga programa ni Governor Bambi Emano nga gipaagi gikan sa buhatan sa PAGRO kalabot sa existing bangus project sa ngadto sa nasangpit nga lugar.