STEEL FLYOVER GISUGYOT NGADTO SA RDC-X

Posted: March 16, 2020

88253707

Suportado karon sa amahan sa lalawigan sa misamis oriental gobernador bambi emano ang nangsingabot nga mga infrastructure projects nga gipanlantawan nga muhatag ug dugang kalambuan sa rehiyon dyes.

Laing infrastructure project ang posibling mahitabo human giduso ngadto sa regional development council-X (RDC-X) infrastructure and utilities development committee ang tulo ka prupose steel flyover nga mahimutang sa bulua, kauswagan og gusa ning syudad.

Kini ang gisugyot nga proyekto atol sa nahitabong RDC-X meeting nga natigayon ning bag’ohay lang.
Usa ka Spanish government ang gilaraw nga maoy muabag sa posibling proyekto nga mahitabo sa higayon nga kini aprubahan sa national council.
Tumong niini mao ang pagkunhod sa nagkagrabeng problema sa trapiko sa dakbayan.

Kon ugaling maduso ngadto sa kahitas-an kining daku nga proyekto alang sa pag kunhod ning traffic congestion sa dakbayan posibling masugdan gilayon sa daling panahon ang pag konstrak niini.