STRANDED MISAMISNONS, GITUBAG NI GOV. EMANO ANG PANGINAHANGLANON

Posted: May 21, 2020

93625960_592505181360504_5869994647404675072_o

KUNG taga Misamis Oriental ka imong seguridad ang prayoridad ni Governor Bambi Emano. Kung taga Misamis Oriental ka nga anaa sa layong dapit ug apektado niining pagpatuman og mga kwarantinas, ang kagamhanan sa probinsya sa Misamis Oriental ang motubag sa ilang panginahanglan hangtud sa makaya.
“Kung sila lumolupyo sa Misamis Oriental mintras samtang adunay hagit sa Covid 19, gapadala mi og financial assistance, pangutan-on sila among pangutan-on ug naa bay mapuy-an, malutoan ug sila among padalhan ug kwarta,” matud ni Governor Bambi.
Gamit ang kwarta padala centers, natabangan uyamot ang stranded Misamisnon samtang sila naghulat nga molurang ang hulga sa coronavirus disease 2019, hilabina sa mga lugar nga gipaubos sa enhanced community quarantine.
Ubay-ubay na usab ang natabangan ug naayudahan sa kapitolyo, susama sa mga estudyante, overseas Filipino workers (OFW), construction workers, ug uban pa, nga mikabat na sa 67 ka indibidwal.
“Kung gusto sila mouli naa tay sweeper flights, pero gibuhatan pa og guidelines. Kung gikan sila og ECQ ug high risk area o naka-lockdown dunay kinahanglan nga COVID-19 negative test result. Hulatan lang nato ang guidelines,” pasabot ni Gov. Emano.
Apan, matud ni Provincial Task Force for COVID-19 spokesperson Atty. Jeffrey Saclot, dili basta-basta ang pagtunol kanila sa ayuda, tungod kay adunay makuti nga beripikasyon sa tanang gusto magpatabang sa kapitolyo, hilabina pundo sa katawhan sa Misamis Oriental ang gamiton isip hinabang nga kinahanglan ampingan ug dili abusaran.
Hisayran nga adunay 215 ka molupyo sa Cagayan de Oro nga stranded didto sa kaulohan nga nagpakitabang sa gobernador nga gusto usab niini tabangan. “Ang pag-adopt kanila dili ko igsapayan. Apan kung ako silang tabangan basin unya ignon napod ako nga namolitika,” panapos sa gobernador.