MIKORTESIYA ang Provincial Fisheries Office – BFAR X pinaagi ni OIC- Provincial Fisheries Office Ms. Arlene Novo kang Governor Juliette Uy aron maghisgut sa nagka lain-laing proyekto ug programa nga nagtinguha sa pagpalambo sa sector sa pangisda ug panginabuhian sa Probinsya. Lakip sa gihisgutan sa panagtagbo mao ang mga pagpalambo sa Sault Industry, pagpatukod sa Solar Ice Plant ug Cold Storage sa lungsod sa Initao ug ang dugang suporta sa mga mangingisda sa lungsod sa talisayan.

Gibutyag ni Ms. Novo nga ang maong proyekto makatabang sa pagpalig-on sa produksyon sa asin, pagpreserba sa kalidad sa isda pinaagi sa modernong pasilidad sama sa ice plant ug cold storage ug ang paghatag og dugang oportunidad sa mga mangingisda. Dako ang pasalamat ni Ms. Novo kang Governor Juliette Uy sa suporta sa mga programa nga nagdala ug dugang kalamboan ug panginabuhian sa katawhan ilabi na sa mga komunidad nga ang panginabuhian mao ang pagpangisda.

Padayon ang paningkamot sa lalawiagan sa pagpangulo ni Governor Juliette Uy sa paghatag og mga programa ug proyekto alang sa agrikultura aron masiguro ang suplay sa pagkaon ug ekonomiya sa tibuok Misamis Oriental.

By: Ellen Mae Lahinao/PIO

Hulagway kuha ni: Marvin Gilig/PIO