SWEEPER FLIGHTS, NAKASULBAD SA STRANDED FOREIGNERS SA MISOR

Posted: April 27, 2020

94123570_593804547897234_9076543297031241728_n

WALA damha ni bisan kinsa nga adunay umalabot nga krisis sa ekonomiya ug panglawas ang tibuok kalibotan. Sa wala pa misiaw ang pagtakboy sa coronavirus disease 2019, sagad kanato pulod bakasyon ang giatiman. Ang ubang turista ug bakasyonista nangatanggong intawon sa lugar kung diin sila naabtan sa lockdown. Apan, pinaagi sa kamanduan ni Gov. Bambi Emano nga gipatuman karon sa iyang pamunuan ug lokal nga pangagamhanan sa Laguindingan, Misamis Oriental, nahupay intawon ang kabalaka sa atong mga turista.

Pinaagi sa Executive Order GYVBE No. 2020-013, si Gov. Emano nagmando sa pagpahigayon og sweeper flights sa 143 stranded foreign nationals padulong pauli sa ilang ginikanan.

Ang nasangpit nga ehekutibong kamanduan sa gobernador naghatag higayon sa foreign nationals nga makapauli bisan tuod ubos kita karon sa general community quarantine (GCQ).

Gipaagi sa hustong health protocol ang maong mga langyaw. Gipa-fill up og case investigation form (CIF) sa Department of Helath Center for Health Development-Northern Mindanao, una pa gipabyahe gamit ang sweeper flights sa Laguindingan Airport.

Mahinumduman nakig storya si Australian ambassador to the Philippines his excellency Steven Robinson ngadto kang gobernador Bambi Emano gamit ang zoom nga application.

Misulat kini og letter request address to governor emano kalambigitan sa pag pauli sa mga na stranded nga Australians citizens sa rehiyon nga labing nanginahanglan og tabang tungod niining nagbahad nga sakit sa corona virus disease 2019.

Niadtong adlaw’ng Sabado, Abril 18, 2020, nakalupad na gayud pabalik sa Australia ang nasangpit nga stranded passengers lulan sa Philippine Airlines.

Matud ni Gov. Emano, nagmalampuson ang sweeper flights sa amihanang Mindanao tungod sa tabang usab ni Department of Tourism Region 10 Regional Director Marie Elaine Unchuan.