“MISAMIS ORIENTAL is one of our priorities for cooperation and we will work closely together” Mao kini ang gibutyag ni Taiwanese Ambassador Wallace Minn-Gan Chow atol sa iyang pagbisita sa Kapitolyo sa lalawigan niadtong Hulyo 22, 2026. Kini human nakigtigom si Ambassador Wallace Minn-Gan Chow uban ang mga ulo sa departamento sa Kapitolyo ug mga ahensya sa nasyonal nga gobyerno aron pagahisgutan ang pagpalambo sa sektor sa agrikultura ug pagpanarbaho sa Misamis Oriental. Naghatag suhestyon si Special Assistant to the Governor Celso Abucejo nga mag mugna og comprehensive planning ug technical working group aron mapahugtan pa ang panag-uban sa Misamis Oriental ug Taiwan Embassy.

Pinaagi usab niini, masplastar ang tanang mga planong pangkalambuan sa lalawigan pinaagi sa pakigtimbayayongay sa embahada sa Taiwan. Samtang gibutyag ni Ambassador Chow nga magpadayon pa ang ilang pakig-koordinar sa mga opisyales sa Kagamhanang Probinsyal aron makamugna og mga planong pangkalamboan sa lalawigan. “I want to wish the governor all the best, her family for better health and for the continued prosperity and progress for the province” – pahayag ni Ambassador Chow para kang Governor Juliette Uy. Kauban ni Ambassador Chow ang ubang Taiwanese Delegates nga sila si Director Vincent Lin of the Taiwan Economic and Cultural Office (TECO) Labor Division, Mr. Tong Peng of the Taiwan Technical Mission, ug si Ms. Jennifer Lin, Political Division Assistant to the Representative.

Mitambong usab sa kalihokan sila si Cagayan de Oro 2nd district representative Atty. Rufus Rodriguez, ug Cagayan de Oro City Vice Mayor Jocelyn B. Rodriguez. Usa kini sa mga kalihokan ni Governor Juliette Uy nga mapatuman ang pagpasaka sa ekonomikanhong kalihokan sa Misamis Oriental aron matagaan og dugang oportunidad ang katawhan ug mapakunhod ang kapobrehon.

By: Nefilim Diaz/PIO

Hulagway kuha ni: Marvin Gilig/PIO