TRADITIONAL MEDICINE, SUPORTADO NI GOV. BAMBI

Posted: July 2, 2020

272020-1

SUPORTADO ni Gov. Bambi Emano ang pahayag sa iyang Provincial Health Officer ug chairman sa Provincial Task Force for COVID-19 Dr. Jerie Calingasan nga aprubado niini ang “tuob” isip isa sa gitawag “traditional medicine” nga gigamit kaniadto sa katigulangan nga epektibo batok sa nagkadaiyang sakit lakip ang coronavirus disease 2019.
Admitado si Gov. Emano nga dili siya eksperto, apan nagtuo kini nga daku’g ikatabang ang karaang panambal base sa iyang kaugalingong kasinatian. Bisan udlot sa bayabas makatabang sa pag-alim sa samad sa bag-ong gituli nga maoy gigamit kaniadto, bisan tuod wala kini “scientific explanation.”
Hinuon, duyog ang gobernador nga mas tuohan pa gihapon ang mas nakahibalo, susama sa doktor ug mga eksperto. “It doesn’t mean it will kill us, but it might help heal us.”
Apan, alang kang Gov. Emano, mas maayo pa gihapon ang paglikay sa sakit kompara nga magkasakit. Hangyo niini nga sundon unta gihapon sa publiko ang tanang health safety protocol ning new normal.