TURN-OVER SA MGA PROYEKTO MAHITABO SA ZOOM VIDEO COFERENCE

Posted: June 22, 2020

22062020-3

NING ubos ang lalawigan sa Modified General Community Quarantine (MGCQ) gitataw ni Governor Bambi Emano nga ang pagtunol sa mga proyekto ang dili usa pisikal nga mahitabo labina gipaningkamotan nga maobserbahan ang social distancing.
Matud ni Gov. Bambi nga hinoun mahitabo kini pinaagi sa zoom video conference kay dinhi niya ipaagi ang mga turn-overs nga dili na kinahanglan ang mga gitunolan adtoan o moadto sa kapitolyo probinsyal.
“Naa lang ta turn over sa zoom aron kontrolado atong katawhan,” matud ni Gov Bambi ug nangayo og pasaylo sa katawhan nga likayan usa ang pisikal nga panagkita.
Gipahibalo sab niini nga sa mga nangutana kung mo operate ba og balik ang Farmer’s Market.
Iyang gipasabot nga dili usa kini mobalik aron malikayan ang mogawas ug sulod sa farmer’s market area sa kapitolyo probinsyal.
“Dili pa gihapon pasayloa ko kay hulatan pa nato ang gabayan sa IATF,” matud ni Gov. Bambi.