GIILA ang Villanueva, Tagoloan, ug Balingasag nga adunay pinakataas nga Real Property Tax (RPT) collection sa tuig 2024 sa mga lungsod sa Misamis Oriental. Ang lungsod sa Villanueva adunay pinakataas nga koleksyon nga moabot sa P 209,711,305.65. Ang Tagoloan adunay P 149,628,874.39 ug P 106,976,701.67 ang sa Balingsag. Gipasidunggan sa Provincial Treasurer’s Office ang top 3 highest RPT collectors atol sa ilang gipahigayong year-end evaluation and assessment 2025 niadtong Disyembre 4, 2025, sa dakbayan sa Cagayan de Oro.
Atol sa maong kalihokan, gihatagan usab og lingaw sa Kagamhanang Probinsyal ang mga local treasurer ug revenue collector sa lalawigan pinaagi sa ubay-ubay nga mga raffle draw sa pagpanguna ni Provincial Treasurer Ronal Jame Violon. Mapasalamaton si Misamis Oriental Local Treasurers Association (MOLTA) President Rachel Guerrero kang Governor Juliette Uy sa paghatag kanila og higayon nga magkatigom og magsaulog sa maong kalihokan.
By: Nefilim Diaz/PIO
Hulagway kuha ni: Jezreel Ecuacion/PIO
