GISUPORTAHAN sa inahan sa lalawigan Governor Juliette Uy ang gipahigayon nga Zonta Organization Meeting adlawng Sabado Pebrero 7, 2026 sa Lux Hotel ning dakbayan sa Cagayan de Oro. Ang Zonta Organization usa ka internasyonal nga organisasyon sa mga propesyonal nga kababayen-an nga nag tumong sa kahimtangan sa kababayen-an sa tibuok kalibutan. Usa sa tumong sa maong organisasyon ang mapalambo ang katungod sa kababayen-a, mapugngan ang Violence Against Women ug mohatag og scholarship ug grants sa kababayen-an. Ubay-ubay ng mga kalihokan ang gipasiugda sa maong organisasyon sama sa Outreach Programs, Advocacy Campaign, Scholarship Program ug uban pa.

Sa Kalihokan gipahayag ni Governor Juliette Uy ang iyang lig-on na suporta sa mga kalihokan sa Zonta ug sa ilang adbokasiya alang sa kababayen-an ingon man ang pag-ila sa kontribusyon sa mga kababayen-an sa pagpalamo sa lokal na komunidad. Gipunting usab sa ni Governor Uy ang mga Programa sa Probinsya alang sa Kababayen-an sama sa IKNB (Iskolar ko ng Bayan), U4U (United for Upliftment) ug uban pa.

Ang padayon nga suporta sa Kapitolyo Probinsyal ubos sa liderato ni Governor JulietteUy nagpakita sa pagpaningkamot sa lokal nga kagamhanan sa pagpasiugda sa katungod sa kaayohan sa kababayen-an ug aron mas mapalapad pa ang mga programa ug serbisyo nga makahatag og dugang oportunidad , proteksyon ug kalig-on sa kababayen-an sa tibuok Misamis Oriental.

By: Ellen Mae Lahinao/PIO

Hulagway kuha ni: Charm Andy Pacamalan/PIO