ZUELLIG FAMILY FOUNDATION, SUBLI MIDONAR SA KAPITOLYO

Posted: July 2, 2020

272020-3

SUBLING nagdonar og nagkadaiyang gamit sa pagpakigbatok sa coronavirus disease 2019 ang Zuellig Family Foundation ngadto sa kapitolyo probinsyal atol sa gipahigayon nga virtual Flagraising Ceremony niadtong Lunes, Hunyo 29, 2020.
Si Ms. Jocelyn Toledo, ang Regional Accounts Officer sa Zuellig Family Foundation, ang mitunol mismo kang Gov. Bambi Emano ug Provincial Health Officer ug Provincial Task Force for COVID-19 chief Dr. Jerie Calingasan sa 500 pieces Type A ug Type B personal protective equipment (PPE) nga gilangkoban sa N95 masks, safety goggles, suits, shoe covers ug surgical gloves. Dugang pa niini ang 23 ka thermal scanner, duha ka box sa azithromycin, ug lima ka box sa vitamin C with zinc.
Hilabihan ang pagdayeg ug pagpasalamat ni Gov. Emano sa grupo nga gipangunahan ni Mr. Austere Panadero, ang Zuellig Executive Director sa walay hunong nga suporta sa iyang pamunuan ning panahon sa public health emergency.
Saad ni Gov. Bambi nga modangat gayud ngadto sa frontliners ug ospital ang maong mga gamit isip proteksiyon aron dili sila mataptan sa makamatay nga sakit.