Sayod ang gobernadora sa importansya sa pagpangandam labina ang mapanalipdan ang katawhan batok mga kalamidad ug panahon sa emerhensiya.

Samtang gikalipay kini ni RD Sugarol sa pagtuo nga ang maong klase sa liderato nagpasabot sa makanunayong seguridad alang sa tibuok probinsya. Gihisgutan atol sa tigom ang gikinahanglang mga lakang sama sa disaster response planning, pagbansay bahin sa Incident Command System (ICS), simultaneous earthquake drill ug pagsiguro sa technical assistance alang sa daling pag-responde. Ug niini gilaraw usab nga malakip ang tanang LGUs sa matag higayon.

Dugang pa ni Sugarol nga subay sa National Disaster Resilience Month matag Hulyo nga hatagan nila og igong hibug-aton ang mga programa sa rehab and recovery, mitigation, capacity building ug uban pa.

Gisulti usab niini nga suportaran ang tanang tinguha sa kasamtangang administrasyon ug andam silang makigbisog uban niini.

Hulagway kuha ni: Marvin Gilig/PIO