SA tumong nga mapalambo ang serbisyo nga tinuoray ug mahatagan tabang ang katawhan labina ang mga kabos, gibutyag ni Governor Juliette Uy nga hatagan og prayoridad ang serbisyong medikal ubos sa iyang administrasyon. Kini ang iyang saad nga paningkamutan kauban si District 1 Congresswoman Atty. Karen Lagbas nga mahimong libre ang mga tambal lakip mga pasilidad sa balay tambalan.
Matod pa ni Gov. Uy, nga usa sa mga rason sa iyang pagdagan mao ang kasayoran nga adunay kakulangon sa serbisyong medikal labi na sa mga kabos. Dugang pa niini, dili angay mabalaka kay adunay mga ‘partners’ gikan sa nagkadaiyang private sectors sama sa Filipino-Chinese Chambers nga andam motabang sa pagkab-ot sa mga kalamboan ug pangandoy alang sa lalawigan.
Hisayran usab nga gipadayag ni Governor Juliette Uy nga adunay upat (4) ka paabutong ambulansya nga igahin sa lalawigan sa dili madugay nga panahon.
By: Carl Richie Cagas/PIO Intern
Hulagway kuha ni: Jez Ecuacion/PIO