“PUBLIC trust is a cornerstone of a functioning democracy”, matod ni Atty. Angel A. Lim human siya mapili isip bag-ong administrador sa Kapitolyo atol sa iyang mensahe sa sinemanang pagpakayab sa nasudnong bandila. Matod ni Atty. Lim, gikinahanglang masaligan ug makatubag ang usa ka public servant bahin sa paghatag og impormasyon. Gitumbok ni Atty Lim nga kung mutaas ang pagsalig sa katawhan, mas motuman sila sa mga balaod, musuporta sa mga inisyatiba sa gobyerno, ug mas aktibo ang ilang partisipasyon sa political process.
Gidugang ni Atty. Lim, gikinahanglan usab nga adunay integridad ug patas ang usa ka public servant. Gipasalig ni Atty. Lim nga paningkamutan niya nga mahatag ang serbisyo sa katawhan isip gipili nga bag-ong administrador sa Kagamhanang Probinsyal. Gitakdang makigtigom usab si Atty. Lim sa local finance committee aron pagahisgutan ang pag usab sa mga proseso sa Kapitolyo. Kasamtangang Provincial Legal Officer si Atty. Angel Lim sa Kapitolyo ug nahimong designated administrator human mi-resign si Atty. Judy Salvaña sa maong posisyon aron magpadayon sa iyang propesyon isip litigation lawyer.
By: Nefilim Diaz/PIO
Hulagway kuha ni: Jezreel Ecuacion/PIO