MISAKMIT ang Misamis Oriental og baynte tres (23) ka mga medalya atol sa ilang partisipasyon sa 2025 SMART/MVP SF Mindanao Kyorugi and Poomsae Taekwondo Championship. Pito (7) ka gold medal, nuebe (9) ka silver medal, ug pito (7) bronze medal ang nakuha sa mga atleta gikan sa nagkalain-laing weight division sa kompetesyon. Matod ni Kyorugi Lightweight Division Champion Sophia Ledesma, importante kanila nga marekognisa ang ilang kalampusan.
Gidugang ni Ledesma nga mapasigarbo usab sa probinsya ang ilang mga talento pinaagi niini. Giawhag usab ni Ledesma ang kabatan-onan nga mosalmot sa maong sports aron sila malikay sa mga bisyong makadaot sa ilang kaugmaon. Gikan sa Misamis Oriental General Comprehensive High School (MOGCHS) ang mga atleta sa maong kompetesyon nga gipahigayon sa South Cotabato Gym and Cultural Center.
Kahibaloang usa sa mga gitutokan sa administrasyon ni Governor Juliette Uy ang paghatag og suporta sa kabatan-onan aron sila mahatagan og haruhay nga kaugmaon.
By: Nefilim Diaz/PIO
Hulagway kuha ni: Jezreel Ecuacion/PIO